Niy ma nadzieje dlo ludzkości, 25.08.2019
- miasto niy istniyje,
- chaja niy istniyje,
- wygoda niy istniyje
Niymiecke miasto, co bez lata było przedmiotym internetowyj wicowyj teoryje spiskowej, co prawi, iże ône niy istniyje, ôferuje sroge piniōndze kożdymu, fto dowiydzie, iże to je prowda.
Urzyndnicy we Bielefeld pedzieli we strzoda, iże dadzōm 1 milijōn ojro ôsobie, co przedstawi richtich dowōd jego niyistniynio.
Pedzieli, iże „niy ma ôgraniczyń kreatywności” dlo uczestnikōw, ale ino niepodwożalne dowody kwalifikujōm sie do nadgrody.
Idyjo, iże Bielefeld niy istniyje, była po piyrszy roz przedstawiōno ôd fachmana kōmputrowego Achima Helda, co w 1994 roku ôpublikowoł we Internecie satyryczne twierdzynie, co prōbowało wyśmioć teoryje spiskowe online.
Dalszŏ tajla artykułu niżyj
Muszymy poprawić piyrsze zdanie: Rzekōme niymiecke miasto.
Zdrzōdło: AP News
Jeźli jedna chaja by mogła uretować małżyństwo, to je to. Ale usużny ślubny warzōł, skludzoł, śmiatoł i przoł swojij ślubnyj ze pasyjōm. Doimyntnie. Jōm za to dowiyło jego uczucie i teroz kobiyta ze Fudżajry we Zjednoczōnych Ymiratach Arabskich chce weznōńć z nim szajdōng.
– Nigdy na mie niy krziczoł, ani mie niy ôdciepnōł – pedziała kobiyta. – Dowiyło mie ekstrymalne miyłowanie i uczucie. Pōmōg mi nawet poskludzać dōm.
Czasami warzōł dlō nij i niy było żodnych spiyrek w jejich rocznym małżyństwie, pedziała.
– Potrzebuja richtich dyskusyje, nawet chaje, a niy tego bezproblymowego życio w posuszyństwie.
Chop pedzioł, iże niy zrobiōł nic złego.
Ôna pado, iże jōm coś dowi. Ô wiela weta, że kajdanki, trocha spandeksu, skōrzanny posek, i cołke małżyństwo bydzie jak nowe?
Zdrzōdło: Khaleej Times
Apple zrobiyło sie we USA nowo karta kredytowo Apple Card, co je połōnczōno ze Apple Wallet. Karta fajnie wyglōndo i je minimalistyczno, ale je jedyn problym: ludzie majōm jij niy nosić we niczym skōrzannym ani dżinsowym, bo może sie przefarbić. Niy majōm tyż jij nosić we taśce ze luźnymi rzeczami, ani we portmanyju, we jednyj przegrōdce ze inkszymi kartami, bo może sie porysać. Karta nojlepij tyż myć haderkōm z mikrofibry zwilżōnōm alkoholym izopropylowym.
Za miesiōnc ôgłoszōm ekstra portmanyj na swoja karta. Cyna: 500 dolarōw.
Zdrzōdło: CNN
