Krok bliżyj do majstra Oceláři Trziniec

We wielkanocny pyńdziałek we Trzińcu HC Oceláři grali trzeci szpil we finale ligi czeskej ze Bílí Tygři Liberec.

Trziniec napoczōn fest dobrze, kōmynatorzy liczyli minuty bez strzału Liberca na tor ôd Hrubca, aże po fatalnym podaniu ôbrōńcy HC Oceláři ze kōntrōm poszed hokeista Liberca i trefiōł na 0-1 dlŏ gości. Szpil sie wyrōwnoł i kibice ślōnskego manszaftu dugo musieli czekać na tor Trzińca. Dopiyro we 35 minucie wyrōwnoł David Cienciala. Trzi minuty nieskorzyj bōło już 2-1 dlŏ Trzińca a cołki szpil skōńczōł sie aże 4-1 (0-1, 2-0, 2-0) dlŏ manszaftu ze Ślōnska.

Po trzech szpilach je 2-1 dlŏ Trzińca, a dzisiej ô piōntej sztwŏrty szpil (live na CT Sport).

Grŏ sie do 4 wygranych szpilōw.