Arrows Ôstrawa majstrym Rep. Czeskej
Gōrny Ślōnsk baseballym stoi? Dwa tydnie tymu polskŏ liga wygroł KS Silesia Rybnik, a wczorej piyrszy rŏz w historyji majstrym ôstali baseballŏrze ze Arrows Ôstrawa. Manszaft tyn mŏ swōj szportplac we ślōnskej tajli Ôstrawy, a gynau we Porubie.
We finale Arrows Ôstrawa mierzōł sie ze manszaftym Draky Brno, kere ôd 1995 do 2017 roku bōłu 21 razy majstrym ligi czeskej!
Ôstatni szpil Arrows Ôstrawa wygrało we Brnie 5-3, a cołkŏ finałowŏ seryjo 3-1. Kapitan Arrows Ôstrawa, Aleš Navrátil, pedzioł, co ôba manszafty bōły jednako dobre, ale baseballŏrze ze Ôstrawy mieli wiynkszy gōd wygranej i to zadecydowało ô majstrze.
Manszaft ze ślōnskej Ôstrawy bōł założōny we 1973 roku. Nojpiyrw grali pod mianym Plamen Poruba, a ôd 1997 roku grajōm już jako Arrows Ôstrawa.
Dalszŏ tajla artykułu niżyj
Fotki ze profilu: https://www.facebook.com/arrowsostrava/ – autor Ladislav Svenčik ©.
