Ôd dzisiej ślōnsko-morawski finał hokeja ô majstra ligi… czeskej
Dzisiej napoczynajōm sie szpile ô majstra ligi czeskej. Finał je dziebko nietypowy, bo ô majstra bandōm grać manszafty ze Ślōnska (HC Oceláři Třinec) i Moraw (HC Kometa Brno). HC Oceláři Třinec ôstatni rŏz groł we finale w 2015 roku i przegroł tedy z HC Verva Litvinov. Majstrym manszaft ze Ślōnska bōł ôstatni rŏz we 2011.
HC Kometa Brno broni majstra z ôńskygo roku, ale bōł tera niżyj we tabeli ôd HC Oceláři Třinec i wrazie siōdmego szpilu, to manszaft ze Ślōnska bandzie go grać u siã.
Wszystke szpile idzie ôglōndać w publicznej ČT sport.
Terminy piyrszych 4 szpilōw:
14.04.2018 – HC Oceláři Třinec – HC Kometa Brno
15.04.2018 – HC Oceláři Třinec – HC Kometa Brno
18.04.2018 – HC Kometa Brno – HC Oceláři Třinec
19.04.2018 – HC Kometa Brno – HC Oceláři Třinec
Dalszŏ tajla artykułu niżyj
Groł sie do 4 wygranych szpilōw. Jak bandōm potrzebne szpile 5-7, to nieskorzyj podōmy jejich terminy.
