XII Diktand Ślōnskij Godki
Już 30 moja zaproszōmy na XII Diktand Ślōnskij Godki we Zabytkowyj Kopalni Ignacy (Hoymgruba) w Rybniku. Na uczestnikōw czako mocka nadgrodōw a atrakcyjōw, tekst diktanda przeczyto Izolda Czmok – telewizyjno prezynterka, kero kludzi program TVP3 „Dej pozór. Szoł tok Izoldy Czmok”. Kōmisyjo kōnkursowo kludziōł bydzie prof. Hynryk Jaroszewicz. Po rozdaniu nadgrodōw bydzie kōncert rapera Kieron. Do wygranio cynne nadgrody ufōndowane miyndzy inkszymi ôd Ojroposła Łukasza Kohuta a ôd Synatora RP Piotra Masłowskiego. Dodatkowo, kożdy uczestnik diktanda w dniu wydarzynio bydzie mioł możebność za darmo zwiydzić teryn gruby! Na miejscu wydarzynio bydzie tyż sztand ôd Wydawnictwa Silesia Progress ze wielkim wyborym ślōnskij literatury, a Jerzy Buczyński, autor wielu znanych ksiōnżek po ślōnsku a ô Ślōnsku. Zopisy sōm za darmo i zaczynajōm sie ôd godziny 14:00 (ôd 2:00 po połedniu), ô godz. 15:00 (ô 3:00 po połedniu) zaczynōmy diktand, zaproszōmy kożdego, niyważne jak wiela poradzi pisać po ślōnsku!
Pełny program wydarzynio:
14:00 (2:00 po połedniu) Zaczynōmy zopisy na XII Diktand Ślōnskij Godki.
Dalszŏ tajla artykułu niżyj
15:00 (3:00 po połedniu) Sztart diktanda.
16:00 (4:00 po połedniu) Ôgłoszynie wynikōw kōnkursu „Dursik“ a rozdanie nadgrodōw.
17:30 (pōł 6-tyj po połedniu) Ôgłoszynie wynikōw XII Diktanda Godki Ślōnskij a rozdanie nadgrodōw.
18:00 (6:00 po połedniu) Kōncert rapera Kieron.
Na informacyje ô wydarzyniu idzie filować na naszyj strōnie Facebook:
https://www.facebook.com/demokratyczna.unia.regionalistow.slaskich
Regulamin diktanda