LibreOffice je dostympny po ślōnsku

7 września 2019 Grzegorz Kulik

LibreOffice ôd wersyje 6.3.1 je dostympny po ślōnsku.

LibreOffice to paket biōrowego ôprogramowanio ze ôtwartym kodym zdrzōdłowym rychtowany ôd The Document Foundation. Je dostympny na Windows, Linux i macOS.

Spiyro czytanie i zapisowanie m.in. OpenDocument, formatōw Microsoft Office, CDR (CorelDraw) i PSD (Adobe Photoshop).

Paket je tworzōny ôd 2010 roku na bazie OpenOffice, co przōdzij było czołowym darmowym paketym biōrowym, ale było wykupiōno ôd Oracle, co przestało je budować.

Dalszŏ tajla artykułu niżyj

LibreOffice używajōm lokalne i państwowe administracyje na cołkim świecie, postrzōd nich francusko szandarmeryjo, francuske ministerstwa, italijańske ministerstwo ôbrōny, brytyjski regyrōnek, Walyncyjo, Rzim, Mōnachium i Barcelōna.

The Document Foundation rachuje, iże na cołkim świecie 200 milijōnōw ludzi aktywnie używo LibreOffice.

Wiyncyj ô LibreOffice idzie poczytać na ślōnskij Wikipedyji.

Ściōnganie LibreOffice:

Windows 64bit

Windows 32bit

Pozōr: LibreOffice instaluje sie we takij wersyji jynzyka, we jakij je Windows. Przi instalacyji trza zaznaczyć, że mo być po slōnsku. Instrukcyjo krok po kroku je dostympno u nos.

MacOS

Paczka ślōnsko do MacOS

Linux (RPM)

Linux (RPM) paczka ślōnsko

Linux (DEB)

Linux (DEB) paczka ślōnsko

W Linuksach na dniach we repozytoriach pojawi sie aktualizacyjo, tōż za pora dni niy bydzie trzeba ekstra instalować ze strōny.