Wyrōwnany piyrszy szpil ZAKSY ô Final Four Ligi Majstrōw

4 kwiytnia 2018 Pejter Długosz

Po wygranej ze Jastrzymbskym Wōnglym we ćwierćfinale, we ZAKSIE radowali sie z nojsłabszego przeciwnika, na jakygo mōgli trefić we walce ô Final Four Ligi Majstrōw we siatkōwce, manszafcie VfB Friedrichshafen ze Niymiec.

Szpil napoczōn sie podug planu dlŏ siatkŏrzy ze Kandzierzyna-Koźlŏ. Piyrszego seta wygrali 25-23, drugego 25-21. Kibice ZAKSY już sie radowali ze ajnfachowej wygranej i spokojnego czekaniŏ na szpil we Friedrichshafen, ale we trzejciym secie siatkŏrze z Niymiec sie ôbudzili i to ôni radowali sie ze jego wygraniŏ 22-25. We czwŏrtym secie ôd poczōntku lepsi byli siatkŏrze ze Friedrichshafen i wygrali go tyż 22-25. Prziszło ku tie-breku, kery bōł wyrōwnany jak cołki szpil. Wygrała go ZAKSA 15-13, ale we rewanżu w Niymcach bandzie ciynżko ô awans.

Cołki szpil skōńczōł sie 3:2 (25-23, 25-21, 22-25, 22-25).

Final Four bydzie 12 i 13 maja we ruskim Kazaniu.

Dalszŏ tajla artykułu niżyj