Ze 2 prōmilami we krwi chcioł sprać taksōwkŏrza
Nawet dwa lata heresztu może dostać 28-letni pasażer taksōwki. Chop ze bezma 2 promilami alkoholu w ôrganizmie groziōł taksōwkŏrzowi i chcioł go sprać. Wszyjsko zdarziło sie w pyńdziałek nad ranym w Szōmbierkach. Agresywny klijynt trefiōł do policyjnego heresztu. Chop usłyszoł już ôbskarżynie.
W pyńdziałek nad ranym wachtyrze prawa z kōmisariatu w Szōmbierkach dostali powiadōmiynie ôd taksōwkŏrza ô agresywnym klijyncie. Z ustalyń wynikało, iże klijynt taksōwki w mōmyńcie jak ôbsztalowany ôd niego kurs sie skōńczōł przi ulicy Grota-Roweckigo z niywiadomego powodu zaczōn grozić taksōwkŏrzowi i chcioł go sprać. Policyjōny zastawiyli ôpitego i agresywnego 28-latka. Chop ze bezma dwōma prōmilami alkoholu w ôrganizmie trefiōł do izby wytrzyźwiyń a potym do policyjnego heresztu. Bytomiōn usłyszoł już ôbskarżynie. Terŏz ôdpowiy przed prokuratorym. Grozi mu do 2 lŏt wiynziyniŏ.