W naszej Gminie ślōnsko godka niy zaginie
Co prowda Miyndzynarodowy Dziyń Jynzyka Ojczystego inacy Dziyń Dziedzictwa Narodowego a po naszymu Dziyń Slōnski Godki przed nami ale już dzisio wszyndy tam kaj nasza godka je w zocy ôdbywajōm sie rozmańte trefy czy przeglōndy.
Dziyń tyn ôstoł ustanowiōny bez UNESCO 17 listopada 1999r. a jego celym je ôchrōna jynzykōw zagrożōnych wyginiynciym. Szkryflajōm, że namal połowa s 600 jynzykōw świata moge sie stracić w ciōngu dwu, trzech pokolyń. Toż we Tusty Sztwortek we Gminie Świyrklany mioł miejsce wyjōntkowy tref mianowicie XI już Dziyń Slōnski Godki zorganizowany bez Miejscowy Gminny Ośrodek Kultury i Rekreacji w kierym wziyni udział Szkolorze, Przedszkolaki, Koła Gospodyń, Syniorzy i wszyjscy Ci kierym ta nasza godka starzikōw je w zocy. Karolinki i Paulinki miejscowe Zespoły uświetniły ten tref piyknymi ślōnskimi pieśniczkami.
Mieszkańcy Gminy kerzi majōm wielki zasługi w kultywowaniu tradycji i slōnski godki dostali złote, brōnotne i szczybne dyplōmy „Pszociela Ślōnski Godki” ./Kiejś były to ôdznaki utworzōne bez halembski Koło Związku Górnośląskiego./ -Jak ważny boł to tref dlo mieszkańcōw Gminy świadczy pełno sala ludzi .Nic dziwnego bo pszeca na binie bez przerwy coś sie dzioło . Chocioż kożdy s wystympujōncych staroł sie jak yno mog jednako nojwiynksze brawa dostali Przedszkolacy kierzi wystawili cały tyjater. Koła Gospodyń , Syniorzi tyż wcale nie byli gorsi i bawili cołko sala swojim beranim. Towarzyszyły jim śpiywki Karolinek i Paulinek kierzi na sōm kōniec śpiywali znane wszystkim ślōnski pieśniczki włōnczajōnc w to widzōw na sali .Jako, że boł to Tusty Sztwortek KGW przigotowały całe fory kreple rozmańtych sortōw, żeby stykło dlo każdego a dekoracje jaki zrobiły kusiły ôko fajnistym wyglōndym.
Widać było, że ludzie bawili sie fest a fest i we wielki zocy majōm ta nasza ślōnsko godka ô kierej sie tak dużo tera szkryflo i godo . Co jak co ale to dziynki nim mogymy być pewni ,że ta nasza piykno ślōnsko godka mo sie dobrze bo pszeca Włodarze jak i Gminny Ośrodek Kultury i Rekreacji a przede wszystkim ludzie miyszkajōncy we Gminie Świyrklany dbajōm ô nia jak mało wto i nie dajōm ji zaginōnć .
Dalszŏ tajla artykułu niżyj
Regina Sobik
foto z archiwum własnego oraz Urszula Oślislok