Ślōnske sztandy na tŏrgach ksiōnżki we Ôstrawie
Już w nojbliższy piōntek i sobota we Ôstrawie bydzie 7. Knižní festival (Festiwal ksiōnżek). Kŏżdego dnia (20 i 21 lutego) ôd 10.00 do 18.00 idzie prziś ôbejrzeć pŏradziesiōnt wydŏwnictw, posuchać autorōw abo sebrać unterszrifty na ksiōnżkach. Latoś nie zabrachnie tyż ślōnskich wydŏwnictw i to z ôbu strōn granice. Bydzie wydŏwnictwo znanej na cołkim Ślōnsku Evy Tvrdej – Littera Silesia, bydōm tyż Tajemné Beskydy ze Ôstrawy, Muzeum Těšínska i piyrszy rŏz Silesia Progress – jako jedyne wydŏwnictwo nie yno z polskej strōny Ślōnska, ale jedyne spoza Republiki Czeskej.
Ślōnske sztandy znojdziecie sam:
129 – Littera Silesia (Eva Tvrda)
163 – Silesia Progress – ślōnske wydŏwnictwo
Dalszŏ tajla artykułu niżyj
147 – Tajemné Beskydy
156 – Muzeum Těšínska
Wydarzyniy je biletowane – wchōd na 1 dziyń kosztuje 120 czeskich korōn (ca. 20 złotych) i idzie go kupić sam abo na na kasie.
Ale w cynie tego wchodu mogecie iś na byzuch nie yno tŏrgōw ksiōnżki, ale tyż jedyn sztok wyżyj sōm tŏrgi urlopu, kaj mogecie ôbejrzeć nojciekawsze placy z Europy Strzodkowej i skosztować jŏdła ze Ślōnska, Moraw i Czech.
Kaj sōm tŏrgi? w Kōmpleksie Černá louka w Ôstrawie. (Černá louka 3235, 702 00 Ostrava)
A że nie jej to daleko, to uwidzicie na tyj karcie.
