Światowy Majsterszaft we hokeju na Ślōnsku

Światowy Majsterszaft we hokeju do lŏt 20 na przełōmie 2019 i 2020 roku bandzie gościć we Ślōnsku i nana Morawa. Ôd 26 grudnia 2019 do 5 stycznia 2020 mode hokeisty bandōm sie mierzić na szlynzuchach we Werk-Arenie we Trzińcu (we Ślōnsku) i morawskim kōnsku Ôstrawy, we Witkowicach. Ôba miasta sōm we Morawskoślōnskim Kraju we Republice Czeskej.

Martin Urban z ČSLH poinformowoł, co nie bōło problymu ze kandydaturōm Ôstrawy, bo tam już bōły majsterszafty ôd syniorōw – ôstatnio we 2015 roku. Ale światowŏ federacyjŏ ôd hokeja potrzebowała danych ôd Trzińca, eli majōm tam dojś hotelowych izbōw dlŏ hokeistōw a kibicōw.

Birgermajster Ôstrawy, Tomáš Macura, poinformowoł nowinŏrzy, iże miasto wyłoży na ôrganizacyjŏ tych majsterszaftōw 15 miliōnōw korōnōw. Tejla samo miołby naszykować Kraj Morawskoślōnski, coby tyż Trziniec godnie narychtowoł sie na przyjyńcie hokeistōw a gojści.

Dalszŏ tajla artykułu niżyj

Foto na wiyrchu: Ania Długosz