Nowina na Dziyń Godki: Pratchett po ślōnsku

Wydownictwo Silesia Progress dało znać ô sztarcie przedprzedeju „Farby Magije”, piyrszyj ksiōnżki z Dyskowego Świata, kultowego kōmedyjowego cyklu fantasy ôd Terry’ego Pratchetta (1948–2015). To piyrszy ślōnski przekłod tego autōra na ślōnsko godka, zrychtowany ôd Rafała Szymy.

We świecie na puklu wielkigo żōłwia (niywiadōmyj płci) napoczyno sie pofyrtano, wybuchowo, a cudnie ekscyntryczno rajza. Mōmy sam gulikowego czarodzieja, najiwnego turysty z bagażōm na małych szłapkach, drachy, co istniejōm, ino jak w nie wierzisz, i, snadnōm rzeczōm, sōm Rant tyj dyskowyj planety.

Ksiōnżka pokazuje sie we raji Canon Silesiae – Bibliotyka Tumaczyń pod nōmerym 15.

Prymiera ksiōnżki rychtowano je na drugi tydziyń kwietnia. Idzie se jōm ôbsztalować na strōnie ôd wydownictwa.

Przekłod: Rafał Szyma
Redakcyjo: Kamil Czaiński