Na gōrnoślōnskich szportplacach, 13.04.2025

Drugi majster latoś i zajś we hokeju. Tera dlŏ chopōw ze Tychōw, kerzi we finale wygrali ze inkszym manszaftym ze Ślōnska – GKS Katowice. Gratulujymy ôbu manszaftōm.

Szanse na dalszego majstra dobrze tyż stojōm we fusbalu babōw a  handbalu chopōw, a we fusbalu chopōw po latach możno zajś bańdzie medal dla manszaftu ze Gōrnego Ślōnska. A Banik Ôstrawa mŏ nie yno szansa na medal we lidze, ale je tyż we halbfinale czeskigo pucharu. We sztwierćfinale wygrali 1-0 we Jabloncu, po torze, kerego by zazdrościli we Lidze Majstrōw. Ôbejrzcie sami:

Fusbal

Liga polskŏ chopōw
Zagłębie Lubin – Górnik Zŏbrze 2-1
Piast Gliwice – Pogoń Szczecin 2-1
GKS Katowice – Puszcza Niypōłōmice 3-1

Po 28. szpilach je Górnik Zŏbrze  7, GKS Katowice 9, a Piast Gliwice 10.

Liga polskŏ babōw
Śląsk Wrocław – GKS Katowice 0-3
Górnik Łynczna – Rekord Biylsko-Biołŏ 0-1

Po 17 szpilach GKS Katowice je na piyrszym placu, a Biylsko-Biołŏ na 8.

Liga czeskŏ chopōw
Dukla Praga – Banik Ôstrawa 1-2
MFK Karwinŏ – Slavia Praga 0-4
Po 29 szpilach Banik Ôstrawa je na 3. placu, a Karwinŏ na 9.

Puchar Rep. Czeskej chopōw – 1/4 finału
Jablonec – Banik Ôstrawa 0-1

We halbfinale do Ôstrawy przijedzie Sigma Olomouc.

Hokej na lodzie

Liga polskŏ chopōw – finał
GKS Tychy – GKS Katowice 4-2
Sztand 4-3 dlŏ Tychōw, grane je do 4 wygranych szpilōw.

Handbal

Liga czeskŏ chopōw 
play-off – 1/2 finału

HCB Karwinŏ – Město Lovosice 34-26
Grane je do 3 wygranych szpilōw. Sztand 1-0 dlŏ Karwinej