Mundial 2018 – Drugo serio i hneda wszyjsko jasne…

Turniej sie rozfechtowoł, beztōż dzisio niy ô ôtwarciu czy meksykańskij basyn-fieście. Nic yno fusbal. Kto i czamu pakuje już lōnty?

Dalszŏ tajla artykułu niżyj

Grupa A

Samek po dwōch kolejkach durś pośmiatane. Powrōt Salaha z rewiyru wiela niy pōmōg. Snajper LFC na 3 bramy gospodorzy ôdpedzioł yno trefiyniym z elwra. Rusy pokōnujōm Egipt i z sześciōma punktami lezōm do szwierćfinału. Tak samo Urugwaj po wymynczōnej wygranej z Arabiōm Saudyjskōm. Drugo wygrano doł szlag Suareza. Jedne je pewne Fusbalista Barcelony biydzie mioł jeszcze ôkazjo w tym turnieju… bajsnōnć.

…25.06. Już wiymy, że piyrszy plac biere Urugwaj. 3:0 i gospodorze skludzyni na ziymia.

Grupa B

Teoretycznie słabsze drużyny pokozały, że niy przijechały do Rusyji yno na rajza krajoznawczo. Punktōw jednak to niy dało. Ambitne Maroko przegrało z Portugaliōm po bramie Ronaldo. Iran tyż 1:0 w pleca po tym jak bal cufalym odbiyła sie od Costy. Irańczyki dłōgo dobrze sie brōniyli a kej trza było ciepli sie do ataku i wyłaziyli do wysokigo pressingu piynciōma groczami na 16-stce Hiszpanōw.

Ôbrozek kolejki: 82 min. Klasyczno „siata”! Amiri kulo bal miyndzy nogami Pique i cyntruje gynał na gowa Taremigo. Bal furgnie troszyczka nad latōm. Wōniało niyspodziankōm!

Po dwōch kolejkach Hiszpanio a Portugalio po 4 pkt, ale Iran (3 pkt) w ôstatnim szpilu z Portugalczykami jeszcze nafyrlo…

…25.06. Iran rychtyg nafyrloł, ale z Portugaliōm wyrownoł dopiyro w doliczōnym czasie. Praje w tym samym mōmyncie Hiszpany trefiyli na 2:2 z Marokiym co ôstatecznie poukłodałao tabela. Hiszpany przed Portugaliōm.

Grupa C

Francjo w dwōch szpilach „szału” niy pokozała, ale awansu żodyn im już niy weźnie (6 pkt). Blisko awansu Duńczyki (4 pkt). Australio coby szpilać dalij musi wygrać z Peru, rzykać coby Francuzy pokōnali Duńczykōw a na kōniec liczyć bramy.

Grupa D

Tukej pora słōw wiyncyj bo rychtyg ciekawie. Po wklupaniu 3:0 Argyntynie pewny plac w 1/8 finału mo Chorwacjo. Ô plac nr 2 gro cołko reszta. Nojbliżyj Nigerio (3 pkt), ale ich czeko szpil z poszterowanōm ôstatnim szpilym gańby Argyntynōm (1 pkt). A jak Islandio klupnie Chorwatōm (1 pkt)?

Ôbrozek kolejki: 53 min. Kto padoł że piyknej akcji niy idzie zrychtować do społy z rywalym. Torman Argyntyny Willy Caballero prōbuje lobować bal nad Rebiciym, ale kōńczy sie gryfnōm asystōm przi jeszcze gryfniejszym szlagu Chorwata. Z piyrszej z luftu pod lata. Klasa!

Grupa E

Brazylio zaś sie mynczy, ale tym razym wygrywo 2:0 z Kostarykōm. Bal do neca wraziyli dopiyro w 91. i 97 min. Tyż 4 punkty mo Szwjacario i tyż dziynki bramie z ôstatnich sekund. Shaqiri nie zmaściōł lagi sōm na sōm z tormanym Serbii i skōńczyło sie 2:1. Serbio sztyjc jednak w grze (3 pkt). W ôstatnij kolejce ô awans zagrajōm z Brazylijczykami.

Grupa F

Meksyk po wygranej z Koreōm mo 6 punktōw a sztyjc ni mo awansu w kapsie. W grze nazod sōm Nimce, kerzi zaszpilali tym razym rychtyg po nimiecku. W 10. na 11. poradziyli wylyź na 2:1 ze Szwecjōm. Ôbie ekipa majōm po 3 punkty. Korea sztyjc bez ôka, ale teoretycznie…

Grupa G

Belgia i Anglia zrychtowały se tryningi snajperski. Piyrsi przejechali sie po Tunezji 5:2. Drudzy rozklupali Panama 6:1. Samek już ni ma ô czym godać. Pytani yno eli Belgia z Angliōm zagrajōm w ôstatnim szpilu na fol ôbrotach, abo raczyj bydōm sie bawić w „drabinkowe kōmbinowani”..

Grupa H

Synegal pokozoł w szpilu z Japōniōm, że poradzi grać ciekawij niż z Polskōm, kej trza sie trocha bardzij zmarasić. 2:2 Szpil mōg sie podobać. Jedni a drudzy po 4 punkty na kōncie. Gōni ich Kolumbio, kero pokozała Polokōm, że lotani za balym to za mało coby coś ugrać. Poloki ani niy zagroziyli bramie Kolumbijczykōw.

GRUPA A

Rusyjo — Egipt 3:1
Fathy 47 sam., Czeryszew 59, Dziuba 62 – Salah 73
Urugwaj – Arabia Saudyjsko 1:0
Suarez 23

GRUPA A
1. Rusyjo 6 8:1
2. Urugwaj 6 2:0
3. Egipt 0 1:4
4. Arabia S. 0 0:6

GRUPA B
Portugalia – Maroko 1:0

Ronaldo 4
Iran – Hiszpania 1:0
Costa 55

GRUPA B
1. Portugalia 4 4:3
1. Hiszpania 4 4:3
3. Iran 3 1:1
4. Maroko 0 0:2

GRUPA C
Francja — Peru 1:0

Mbappe 34
Dania – Australia 1:1
Eriksen 7 – Jedinak 38

GRUPA C
1. Francja 6 3:1
2. Dania 4 2:1
3. Australia 1 2:3
4. Peru 0 0:2

GRUPA D
Argyntyna – Chorwacja 0:3
Rebić 53, Modrić 80, Rakitić 92
Nigeria – Islandia 2:0
Musa 49, 75

GRUPA D
1. Chorwacja 6 5:0
2. Nigeria 3 2:2
3. Islandia 1 1:3
4. Argentyna 1 1:4

GRUPA E
Brazylia – Kostaryka 2:0
Coutinho 90+1, Neymar 90+7
Serbia – Szwajcaria 1:2
Mitrović 5 – Xhaka 52, Shaqiri 90

GRUPA E
1. Brazylia 4 3:1
2. Szwajcaria 4 3:2
2. Serbia 3 2:2
4. Kostaryka 0 0:3

GRUPA F
Korea Płd. – Meksyk 1:2
Son 90 – Vela 26 e, Hernandez 66
Niemcy – Szwecja 2:1
Reus 48, Kroos 90+5 – Toivonen 32

GRUPA F
1. Meksyk 6 3:1
2. Niemcy 3 2:2
2. Szwecja 3 2:2
4. Korea Płd. 0 1:3

GRUPA G
Anglia – Panama 6:1
Stones 8, 40, Kane 22 (e), 45 (e), 62, Lingard 36 – Baloy 78
Belgia — Tunezja 5:2
Hazard 6 (e), 51, Lukaku 16, 45, Batshuayi 90 – Bronn 18, Khazri 90

GRUPA G
1. Belgia 6 8:2
2. Anglia 6 8:2
3. Tunezja 0 3:7
4. Panama 0 1:9

GRUPA H

Synegal — Japōnia 2:2
Mane 11, Wague 71 – Inui 34, Honda 78
Polska — Kolumbia 0:3
Mina 40, Falcao 70, Cuadrado 75

GRUPA H
1. Japōnia 4 4:3
1. Synegal 4 4:3
3. Kolumbia 3 4:2
4. Polska 0 1:5

Grzegorz Buchalik – etnolog, historyk, felietōnista, fusbalista, mody ôjciec. Kludzi bloga Ślōnski Fusbal we Dzienniku Zachodnim.
http://www.dziennikzachodni.pl/blogi/slonski-fusbal/
https://www.facebook.com/SlonskiFusbal/

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autōrōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza

Cyntrum Preferyncyji Prywatności

Potrzebne

Zbiory cookies potrzebne do nojbarzij podstawowych funkcyji serwisu: zgoda na politykã prywatności (gdpr) i informacyjŏ ô blokowaniu reklam (anCookie), testowy zbiōr ôd platformy (wordpress_test_cookie)

gdpr, anCookie, wordpress_test_cookie

Ino po zalogowaniu

Zbiory cookies potrzebne do byciŏ zalogowanym w serwisie.

wordpress_logged_in_, wordpress_sec_, wp-settings-time-