Moji wandrowani po Ślōnsku a Morawach… Javornik – Dolny Ślōnsk

Dzisiej byłech we malowniczym miasteczku Javornik. Miasto na Dolnym Ślōnsku a tak praje na pograniczu Dolnego a Gōrnego Ślōnska, przi dzisiejszej granicy Polsko-Czeskij.

Jest ône ważne dlo nas Ślōnzokôw, bo tam na zōmku Jański Vrch, i na dworze Heinricha Förstera, biskupa wrocławskiego, we rokach 1856-1857 bywoł Joseph Karl Benedikt Freiherr von Eichendorff, słynny Ślōnski pisorz i poeta. Wtedy te miasteczko mianowało sie Jauernig, Terozki Czechy dbajōm ô te zabytkowe miejsce. We zōmku idzie zwiydzić mocka piyknych izbōw. w tym izba ze fajfkami. Jo zaś sie siednōł na ławeczce na kerej siedzioł nasz rōmantyczny poeta i wyobrażołech sie, co ôn tam dycho razym zy mnōm.