Kamratki a kamraty: Grzegorz Płonka
Grzegorz Płonka to ci zdatny muzikus ze katowickiyj Ligoty, śpiywok i szauszpiler diplōmowany. Roztomaite piysniczki zno i gro i śpiywo we roztomaitych kapelach i solo. Do babōw i chopōw, do dzieckōw. Kościelne, werkerowe, aufsztandowe i prześmiywne.
Chciołbyś se zwōli tegoż majnung szafnońć? Te je ajnfach – trza ôbsztalować bilet a taxa, paradnie ôblyc sie kiej zynich, bo masz zogōwka, coby wyglōndać po chopsku i pōńść na koncert: Żiwobycie piyśniczkōm malowane. Niy widzōm ci sie zamlungi ôd Adolfa Dygacza, to posuchej Juliusa Rogera – wszyjsko gro i śpiywo wywołany Grzegorz Płonka.
Grzegorz to niy żyszka, piyśniczkami ze wybiyrzicznymi sie dzieli (ôd pendziałku do niydzieli), bo szumnota śniego, oj szumnota śniego szczodliwo, no i bywo iże ôgrōmnucny szaszek.
Aleksander Lubina
Pieśniczki ôd Grzegorz Płōnki:
- Ej, żoczku, żoczku – https://www.youtube.com/watch?v=he8717evuHk
- „Choćbyś mie ty panie zabioł” – https://www.youtube.com/watch?v=Op_uZniBmwI
- „Szmaciorz, haderlok” (z Ligocianami) – https://www.youtube.com/watch?v=RQxbsiMh61E
- „Jak jo chodzioł do szkoły” (z Ligocianami) – https://www.youtube.com/watch?v=mtu0UyTDAzY
- „Świynty, niyświynty” ( z Ligocianami) – https://www.youtube.com/watch?v=yEMdC8iteiY
- U tych panów z wielkich stanów – https://www.youtube.com/watch?v=pgzWgYCtpno
- „Ach, mój smutku, ma żałości” – https://www.youtube.com/watch?v=oijHfxzhWv8