Fojerman: W Naszym Kraju

W Naszym Kraju

Dalszŏ tajla artykułu niżyj

W Naszym Kraju
Kożdy swojigo mo wroga.

W Naszym Kraju
Wrōg je ważniejszy ôd Boga.

W Naszym Kraju
Kożdy musi mieć wroga!

W Naszym Kraju
Wroga trza se uchować.

W Naszym Kraju
Człowiek bez wroga je niczym.

W Naszym Kraju
Bez wroga sie człowiek niy liczy.

W Naszym Kraju
Tyn sie liczy dziepiyro,

W Naszym Kraju,
Co we wrogach przebiyro.

W Naszym Kraju
Niy trza piniyndzy, czy złota.

W Naszym Kraju
Ważny je wrōg, niy robota.

W Naszym Kraju
Jo bych chcioł żyć bez wroga.

W Naszym Kraju.
Tōż pytōm sie, czy moga?

W Naszym Kraju…

Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autōrōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza