Dobry weekend dlŏ Trzińca!

Hokeisty Trzińca dali nadziejã, iże tak prandko nie ôdpuszczōm. Nojpiyrw przegrali u siã dwa szpile, a dzisiej wygrali piyrszy i to we Pilźnie 2-3 (1-0, 1-2, 0-1). Szpil bōł fest wyrōwnany a tora na 2-3 manszaft ze Ślōnska trefiōł na 3 minuty do kōńca.

Tory:
1-0 Vojtěch Němec
1-1 Aron Chmielewski
1-2 David Musil
2-2 Roman Vrablik
2-3 Vladimír Svačina

Jutro (pyńdziałek) czworty szpil, zajś we Pilźnie.

Dalszŏ tajla artykułu niżyj

Jeszcze lepsze nowiny przynieśli modzi hokeisty ze HC Oceláři Třinec. We sobota ôstali ôni majstrym Republiki Czeskej. Wygrali drugi szpil ze Spartōm Praga 5-3, choć po piyrszej tercyji przegrywali go 0-2. Drugŏ wygrali aże 5-1, a 4 tory strzelōł Adam Raška. Ôstatniego trefiōł Tomáš Krč.

Ôstatni rŏz juniory ze Ślōnska szafli 3 lata nazŏd.