Czy „budōnek” może być „poprzniały”?

Czytōm praje na Wachtyrzu, co „Policyjōny z bytōmskich Szōmbierek zastawiyli 16-latka, co poprzniōł zabytkowy budōnek przinŏleżōncy do Parafije Św. Familije”.

Tak  myśla, czy mie je tak daleko do tej ślōnkij godki, abo tymu „Newsowi”? Dlō mie dycko poprzniałe to mōgło być np. prosia. Człowiek tyż może być niykedy poprzniały, (możno jo je poprzniały, kej mi sie te maszynowe pisani niy zdo), ale „budōnek”? To je przeca (chyba) cecha istoty żywej, abo jo sie myla?

Drugo sprawa: „zastawiyli 16-latka. Tōż czym jechoł tyn 16-latek, abo możno szoł piechty, kej go zatawiyli? A możno sam sie rozchodzi ô to, że go zawrzyli/ zawarli/ chyciyli?

Ô inkszych „kludziyli pozukowania”, a „informacyje przizwolyły na wytypowanie sprŏwcy” niy byda już wiyncyj pisoł.

Dalszŏ tajla artykułu niżyj

Czy te „Newsy”,  to je do prowdy godka ślōnsko, abo to je jakiś jynzyk „maszynowo-translatorowy”, kery niy pasuje za fest do mustra inkszych tekstōw na Wachtyrzu?

Poprzniały Fojerman