Aleksander Lubina: Adwentowe rzykanie #11
. . .
Pōnbōczku roztōmiły prosza Wŏs pokōrnie
Wŏs i arcyaniōłōw Michōła i Gabryela
cōbyście dali pozōr na
szmaterlŏka
rapitouza
chrostŏka
no i tego teg
tegp tam roczniŏka
kole paśnika
dyć żeście planetować radzi
chytŏcie wartko
co godzinki stojōm
a czas gzuje wartko
Pōnbōczku roztōmiły prōsza Wŏs pokōrnie
Wŏs i arcyaniōłōw Michōła i Gabryela
coby meluzyna ustała ze sekirowaniym
bo trza porŏzżygać świyczki
znojś pōdzie snadniyj
szpyndliczek szczyńsciŏ
we szkorupinach żiwobyciŏ
potrzaskanych bez wandrowca morusa
kiery warzechowōł we Waszym stwōrzyniu
kiej we gorkim ajntopfie
Zdjyńcia: Katarzyna Jakóbik-Wocka i Aleksander Lubina
Aleksander Lubina
Górnoślązak/Oberschlesier, germanista, andragog, tłumacz przysięgły; edukator MEN, ekspert MEN, egzaminator MEN, doradca i konsultant oraz dyrektor w państwowych, samorządowych i prywatnych placówkach oświatowych; pracował w szkołach wyższych, średnich, w gimnazjach i w szkołach podstawowych.