Fojerman: W Rybniku miyszko
2020.03.03
W Rybniku miyszko
Stasio Fojerman w Rybniku miyszko,
Chcioł by po ślōnsku napisać wszystko,
Dyć niy poradzi jeszcze za tela,
Tōż sztudyruje: piōntek, niedziela.
Dalszŏ tajla artykułu niżyj
Sznupie w szuflodzie ślōnskij leksyki,
Robi słowniki, pisze wierszyki.
Jedni padajōm: „To je z niymiecka!
My inkszo godka znōmy ôd dziecka”.
Drudzy sie wadzōm: „To polsko mowa!”
Sami poradzōm na krziż dwa słowa.
A jo sam pisza ô tym, co znōm.
Dyć chca pokozać tyż trocha Wōm,
Jako sie u nas dycko godało,
Co z tego Ślōnska jeszcze ôstało.
Kożdy sie może pochwolić przeca,
Tyż co napisać, wrazić do neca.
Po co te haje? Niy szkoda czasu?
Dyć to je praje głōwnie dlo szpasu.
www.fojerman.pl
www.dykcjonorz.eu
