Na Świyntego Krzisztofa
- Na niedziela auto drabko wyglancujcie.
Ôdkurzejcie zice, szyby wypucujcie.
Czy mosz drogie auto, czy z Niymiec skludzōne.
Kożde w ta niedziela bydzie poświyncōne.
Krzysztof fest był łasy na dioblo pokusa.
Do czasu aż poznoł nauka Jezusa.
Za pokuta przijōn se takie zadanie.
Że przekludzoł ludzi, wodōm, we Jordanie.
Roz przekludzoł bajtla małego na barku.
A tyn coroz ciynższy. Wiela wożysz smarku?
Mało sie niy tōnkli i ftoś dō nich godo.
Głos to był ôd tego, co wszechświatym włodo.
“… Jo je Jezus, twōj Zbawiciel. Jak Mie tukej dźwigosz, to cołki świat dźwigosz. ..”
Stōnd sie wziyno miano, Christoforusa.
Że to je tyn chop, co dźwigo Jezusa.
Tak że na parkingu hneda sie widzymy
Z Krzisztofym bryloczek tyż wōm poświyncymy.
Dalszŏ tajla artykułu niżyj
Nojważniyjsi wyście, szofery z parafije.
Kożdy z wos po drōdze jeździć fest potrafi.
Za wos tyż bydymy fest mocno rzykali.
Byście zowdy dō dōm szczyńśliwie jechali.