Niy ma nadzieje dlo ludzkości, 14.07.2019

• piyrsze: niy dżistać,
• druge: niy szmarować,
• trzecie: niy kurzić.

Co nojlepij zrobić, żeby cie szandar niy znod? Po piyrsze niy dżistać. Chop we USA, we stanie Missouri uciykoł przed policyjōm, co go szukała bez to, że trzimoł niylegalne substancyje. Jak szandarzi przechodziyli kole skrytego chopa, to rzić mu sie tak głośno stargała, że zaroz go znodli.

Pewnikym sie niy prziznoł, a przeca wiadōmo, że tyn, co sie niy prziznowo, to tyn puściōł.

Zdrzōdło: KSHB

If you’ve got a felony warrant for your arrest, the cops are looking for you and you pass gas so loud it gives up your hiding spot, you’re definitely having a 💩 day. #TuesdayThoughts 🚓 #ItHappened pic.twitter.com/BGJoPNKr3n

— Clay County Sheriff (@SheriffClayCo) July 9, 2019

Sztyrej syncy, tyż ze USA, we łōńskim roku poszli na wieczōr przed dostaniym świadectw maturalnych do swojij szkoły i ôbsmarowali sprejami ściany i tretuary hakynkrojcami i pulokami i ôszkliwymi napisami. Policyjo ich chyciyła, bo jejich mobilnioki połōczyły sie ze szkolnym WiFi, a we szkole kożdy mo idyntyfikatōr, żeby sie z necym łōnczyć. Pedzieli, że na poczōntku mieli ino napisać „Klasa 2018”.

Tyż niy ciyrpia, jak chca napisać dwa słowa, a wychodzi mi hakynkrojc.

Zdrzōdło: Daily Mail

Synek w Melbourne narobiōł ôstudy, jak złōmoł szandarowi noga. Szandar siedzioł we radiowozie. Synek siedzioł we swojim aucie z kamratami. Tak mieli w tym aucie nakurzōne marihuanōm, że niy widzieli radiowozu stoć przed niymi i sie z nim strzaśli.

Na tako chmura to ani przeciwmgelne by niy pōmogły.

Zdrzōdło: Newsweek