Żory: Chop prziszoł na kōmyndã sie prać

Wczorej siōdmyj rano do poczekalnie na kōmyńdzie policyje w Żorach weszoł 34 lata stary chop. Ôd samych dźwiyrzi przezywoł i padoł szandarōm, żeby wyszło dō niego dwudziestu.

Jak policyjōny prōbowali go uspokŏjać, ôn im padoł, iże ich „załatwi”, bo znŏ ludzi we prokuraturze. W kōńcu prōbowoł ich szarpać, tōż zarŏz bōł ôbezwładniōny.

Chop niy przizwolōł na badanie alkōmatym i z kōmyndy trefiōł na policyjõ izbã zastawiyń. Hned stanie przed gyrichtym. Może mu grozić do roku heresztu.

Zdrzōdło: KMP Żory

Dalszŏ tajla artykułu niżyj