Tyscy szandarzi ôdzyskali 5 tysiyncy dolarōw

Tyscy wachtyrze prawa ôdzyskali 5 tys. dolarōw i zastawiyli 56-letnigo sprŏwcy raubōw. Zuchwały raubiyrz wpŏd w rynce szandarōw, co zajmujōm sie walkōm z przestympczościōm przeciwko statkowi. Chop bōł ôbskarżōny ô rauby i sie prziznoł. Za przestympstwo grozi nawet 5 lŏt heresztu.

Do zdarzyniŏ doszło pod kōniec marca, w rejōnie kantora na al. Niepodległości w Tychach. Chop zgłosiōł policyjōnōm utratã taszy, co w nij było 5 tysiyncy dolarōw. Skuli podyjzdrzyniŏ porwaniŏ pinyndzy, policyjōny wziōnli szukać sprŏwcy. Wachtyrze wartko wpadli na ślad chopa podyjzdrzanego ô przestympstwo. Przeszukali dōm ôd 56-latka i znŏdli porwane 5 tys. dolarōw. Chop cołki czas swodzoł mōndurowych, prōbowoł wkludzić ich w błōnd. Policyjōny niy dŏwali jednak wiary jego tuplikowaniu. Sebrali sztof dowodowy, co przizwolōł na przedstawiynie sprŏwcy ôbskarżyniŏ raubu. 56-latek prziznoł sie do czynu. Ô jego dalszym losie uzdŏ prokuratōr i gyricht. Za przestympstwo grozi sztrŏfa nawet do 5 lŏt heresztu.

Fotografijŏ na wiyrchu: KMP Tychy