Ściepa na Dzieciōntko dlo dziecek we Papui

Wielki Tydziyń, tōż taki wiadōmości radujōm jeszcze trocha wiyncyj. We Papui byli my ze Kamratami bez lato we lipcu, a we grudniu przed godami naszykowali my „ściepa na Dzieciōntko dlo dziecek we Papui”, kero trwała trzi miesiōnce do poczōntku marca. Te dziecka tam niy majōm tela maszketōw a graczkōw jak u nas, niyroz niy majōm co jeś, abo co pić, a niy majōm lykōw. Możno te nasze „Dzieciōntko” wiela niy zmiyni, niy sōm to jakiś srogi piniōndze, dyć trocha lykōw udało sie kupić a bydōm zawieziōne nad rzyka Sepik. Za 1350 zł były kupiōne dlo 75 dziecek lyki na grzibica i mydło, a dlo 200 dziecek lyki na chroboki i trocha słodkości.

Tōż roz jeszcze dziynkuja tym Wszyjskim, kerzi nōm pōmōgli przi tyj ściepie a niy yno. Dziynkuja tyż tymu Dzieciōntku we Papui, kere ôbiecało zawiyź te lyki teraz tam nad Sepik. Drōga je daleko, wiyncyj jak 100 km, trza płynyć łōdkōm, tōż możno ze Dzieciōntkym wybiere sie tyż jaki Hazok? A my mōmy ôbiecane, co potym poślōm nōm zaś pora fotek z tyj rajzy.

Stanisław Neblik – Fojerman     

Dalszŏ tajla artykułu niżyj