Poczōntek sezōnu 2019/2020 we skokach na szijach na Ślōnsku

Dzisiej, 23 listopada, napoczynŏ sie nowy sezōn Pucharu Świata we skokach na szijach. Piyrsze dwa zawody tego sezōnu napocznōm sie na Ślōnsku, a gynau na skoczni we Wiśle.

We sobota czekajōm nŏs zawody manszaftōw (ô sztwŏrtej) a we niedziela kōnkurs indywidualny (ô 11.20).

41. sezōn Pucharu Świata bańdzie trwać do 15 marca, kiedy ôdbańdzie sie ôstatni turniej we Norwegiji, a gynau na mamucie we Vikersund.

Zaplanowane je 36 zawodōw. Latoś piyrszy rŏz do kalyndŏrza Pucharu Świata Chopōw dołōnczy normalnŏ skocznia we rōmōnskim Rasnov.

Dalszŏ tajla artykułu niżyj

A jak ze skoczkōma urodzōnymi na Gōrny Ślōnsku? Latoś znojdziymy jych yno we reprezentacjyji Polski. Do turnieju indywidualnego we Wiśle zakwalifikowali sie Piotr Żyła, Jakub Wolny, Paweł Wąsek, Aleksander Zniszczoł. Nie udało sie to Kacprowi Juroszek i Tomaszowi Pilch. We reprezentacyji Rep. Czeskej zadebiutuje modziutki Filip Sakala, syn rodzōnego na Ślōnsku Jaroslava Sakali (We Karniowe/Krnov), ale ôn już urodziōł sie po morawskiej strōnie Kraju Morawsko-ślōnskego – we Czeladnej/Čeladná.

Foto tytułowe: Christian Bier [CC BY-SA 4.0 (https://creativecommons.org/licenses/by-sa/4.0)]