Wachtyrz.eu

Siyła informacyji

Nowiny Sport 

Na gōrnoślōnskich szportplacach, 30.03.2025

Pejter Długosz 0 Kōmyntarzy , , , , , ,

We czeskim hokeju po 5 majstrach za rajōm skōnczōła sie dōminacyjŏ ślōnskich HC Oceláři Trziniec, kerzi w sztwierćfinale musieli duznać, co latoś Sparta Praga bōła lepszŏ. Wszystke szpile bōły knap i kōńczyły sie maksymalnie rōżnicōm jednego tora (dwa po dogrywkach), ale to latoś przeciwnik może sie radować.

We fusbalu szwōngu nabiyroł Banik Ôstrawa, kery na trzi szpile przed kōńcym podstawowej rōndy je na 2. placu w czeskej lidze. Na kōniec grane je jeszcze piynć szpilōw ô majstra, ale ślōnski manszaft je już zicher udziału we eliminacyjach do europejskich pucharōw we sezōnie 2025/26. Tera grane je ô to, coby to bōły eliminacyje do Ligi Majstrōw, bo z ligi czeskej tyż drugi plac może sie bić ô te prestiżowe szpile.

We Katowicach ôtwarli nowy szportplac dlŏ GKS Katowice. To w marcu drugi sztadiōn ôtwarty we gōrnoślōnskich stolicach, bo tydzień warcij bōł epny fajer we Ôpolu, kaj manszaft Odry tyż doczekoł sie nowego placu.

Fusbal

Liga polskŏ chopōw
Piast Gliwice – Widzew Łōdź 0-2
GKS Katowice – Górnik Zŏbrze 2-1

Dalszŏ tajla artykułu niżyj

Po 26. szpilach je Górnik Zŏbrze  7, GKS Katowice 9, a Piast Gliwice 11.

Liga czeskŏ chopōw
Banik Ôstrawa – FK Pardubice 5-2
MFK Karwinŏ – Mlada Boleslav 3-1
Po 27 szpilach Banik Ôstrawa je na 2. placu, a Karwinŏ na 9.

Dej pozōr tyż:  Lędziny: Tkając mosty - Gerhart Hauptmann w śląskim dialogu literackim
Hokej na lodzie

Liga polskŏ chopōw – finał
GKS Katowice – GKS Tychy 1-2, 1-5, 2-0
Sztand 2-1 dlŏ Tychōw, grane je do 4 wygranych szpilōw.

Liga czeskŏ chopōw, 1/4 finału

Sparta Praga – HC Oceláři Trziniec 3-2
Sztand 4-1, grane je do 4 wygranych szpilōw.

Handbal

Liga polskŏ chopōw
Energea Kalisz – Gwardia Ôpole 24-24 (2-4 w “elwrach”)
Górnik Zŏbrze – Ostovia Ôstrōw  – przeniesiōny na pyńdziałek

Po 25 szpilach Górnik Zŏbrze je 7 (jedyn szpil maniyj), a Gwardia Ôpole 5.

Liga czeskŏ chopōw
Play-off, 1/4 finału
HCB Karwinŏ – SKP Peppino Fridek-Mistek 29-24

Grane je do 3 wygranych szpilōw, sztand 3-0 i awans Karwinej do halbfinału, kaj trefi na Lovci Lovosice.

Społym budujymy nowo ślōnsko kultura. Je żeś z nami? Spōmōż Wachtyrza

ur. 1978. Aktywny dlŏ Ślōnska ôd 2000 roku. Założōł m.in. Młodzież Gōrnoślōnskõ i Stowarzyniy Ôsobōw Nŏrodowości Ślōnskij. Bez lata aktywny we RAŚ. Tera kludzi wydŏwnictwo Silesia Progress.

Śledź autora:

Ôstŏw ôdpowiydź

Twoja adresa email niy bydzie ôpublikowanŏ. Wymŏgane pola sōm ôznŏczōne *

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autorōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza