Na gōrnoślōnskich szportplacach, 28.04.2023

Niedziela bōła fest dobrym dniym dla szportu na Gōrnym Ślōnsku: dwa majstry w pŏra godzin – tego dŏwno sam niy bōło. Nojpiyrw voleybalŏrze ze Jastrzymbiŏ wygrali trzeci szpil ze Alurōnym Zawierciy, a nieskoro na wieczōr we dogrywce hokeisty ze Trzińca wygrali siōdmy, decydujōncy szpil ô majstra we Pardubicach i piōnty rŏz za rajōm fajerujōm tytuł.

Mōmy tyż jedna złŏ nowina: po łōńskim majstrze basketbalŏrze BK Ôpawa latoś nie ôbrōniōm majstra, bo już we 1/4 finału play-off ôdpadli ze manszaftym zza rzyki, NH Ôstrawa. Za to we fusbalu durch we ôbu ligach manszafty ze Gōrnego Ślōnska grajōm ô europejske puchary.

Mōmy rezulaty 21 szpilōw:

Fusbal

Liga polskŏ chopōw
Piast Gliwice – Warta Poznań 2-0
Śląsk Wrocław – Ruch Chorzōw 2-3
Górnik Zŏbrze – ŁKS Łōdź 4-1

Po 30. szpilach Górnik Zŏbrze je 3, Piast Gliwice 9, a Ruch Chorzōw 17.

Liga polskŏ kobiytōw
GKS Katowice – Rekord Biylsko-Biołŏ 0-0

Po 18. szpilach GKS Katowice je na piyrszym placu, a Rekord Biylsko-Biołŏ na 9.

Liga czeskŏ chopōw
Banik Ôstrawa – Slovan Liberec 2-2
Zlin – MFK Karwinŏ 0-1

Po 30. szpilach Banik Ôstrawa je 4 i bańzie grać we grupie ô majstra, a MFK Karwinŏ 14 i bańdzie grać we grupie ô utrzimaniy.

Hokej na lodzie

Liga czeskŏ chopōw – finał
Dynamo Pardubice – HC Oceláři Trziniec 3-0, 1-4 i 1-2 (dogr.)

Sztand 4-3 dlŏ Trzińca, kery ôstoł majstrym ligi czeskej 5 rŏz za rajōm.

Handbal

Liga czeskŏ chopōw – play-offy 1/2 finału
HCB Karwinŏ – Mesto Lovosice 32-31 (po „elwrach)

Karwinŏ wyugrała 3-1 i awansowała do finału, kaj trefi na manszaft ze Pilzna.

Liga polskŏ chopōw -1/2 finału
Wisła Płock – Górnik Zŏbrze 31-30 i 34-19

Górnik Zŏbrze bańdzie grać ô 3. plac.

Liga polskŏ chopōw – ô utrzimaniy
Gwardia Ôpole – MKS Piotrkowianin 27-26

Po 4. szpilu we grupie ô utrzimaniy Gwardia Ôpole je na drugim placu i mŏ zicher utrzimaniy.

Necbal

Liga polskŏ chopōw – Finał
Aluron Warta Zawierciy – Jastrzębski Wegiel 0-3, 3-1 i 1-3

Jastrzębski Wegiel majstrym Polski.

Korbbal

Liga czeskŏ chopōw – 1/4 finału
BK Ôpawa – NH Ôstrawa 70-77, 93-100, 80-65 i 85-86

4-2 dlŏ Ôstrawy i to ôni awansowali do halbfinału.

Liga polskŏ chopōw
GTK Gliwice – Dōmbrowa Gōrniczŏ 73-100

Po 30. szpilach GTK Gliwice sōm na 13 placu.