Na gōrnoślōnskich szportplacach, 23.08.2020
Tyn tydziyń durch yno ô fusbalu, ale napoczły tyż już ôbie ligi chopōw. We ôbu ligach mieli my na start gōrnoślōnske derby. No i po piyrszej kolejce mōmy lidera. Ale nojbarzij synsasyjny we ôstatnim tydniu bōł transfer Aloisa Grussmanna z Ôpawy do Ôstrawy. Alois Grussmann to legynda Ôpawy i Ôstrawy (tak gynau to Witkowic) ze czasōw bycia fusbalŏrzym (dlŏ Ôpawy strzelōł bez 8 lat 55 torōw, dlŏ Witkowic bez 5 lŏt 31 torōw). Ze Witkowicōma grŏ i we Pucharze Majstrōw i doszed do ćwierćfinału Pucharu UEFA. Bōł aktywny jako fusbalŏrz przeszlo 18 lŏt we manszaftach syniorōw. Ôstatnie lata bōł dyrechtorym szportowym Ôpawy i bōł cyniony za trefiōne transfery przi budżecie tego manszaftu. Tera na to samo liczōm we nieco bogatszym Baniku. Ale przejście miyndzy tymi dwōma manszaftami, to jak przejście ze Górnika do Ruchu abo na ôpak.
Fusbal
Liga polskŏ chopōw
Śląsk Wrocław – Piast Gliwice 2-0
Górnik Zŏbrze – Podbeskidzie Biylsko-Biołŏ 4-2
Po piyrszym szpilu liderym je Górnik Zŏbrze, no ale na dwōch ôstatnich placach tyż manszafty ze Gōrnego Ślōnska.
Liga polskŏ babōw
ROW Rybnik – KKP Bydgoszcz 1-4
APLG Gdańsk – Rolnik Biedrzychowice 0-0
UKS SMS Łōdź – GKS Katowice 5-0
Po 3 szpilach GKS Katowice je 7, Rolnik Biedrzychowice 10, a ROW Rybnik 11.
Liga czeskŏ
Viktoria Pilzno – Slezsky Ôpawa 3-1
MFK Karwinŏ – Banik Ôstrawa 0-0
Po piyrszym szpilu Banik i Karwinŏ sōm 9, a Ôpawa 15. Latoś z ligi czeskej lecōm place 16-18.
Dalszŏ tajla artykułu niżyj
