Mundial 2018 – Piyrszo serio szpilōw vel. Co sie popochało na wschodzie?

Messi niy trefio z elwra, Majstry świata przegrywajōm i yno w polskij kadrze po starymu. Ôbadej co minyło cie w piyrszej serii szpilōw na Mundialu…

Dalszŏ tajla artykułu niżyj

Rajza na niydźwiedziu

Po tradycyjnych jasełkach i cołkij szopce na ôtwarci. Sztartło wielki grani. Rusko reprezyntacjo fusbalowo, kero w sparingach przedmundialowych przegrywała szpil za szpilym wklupała Arabii Saudyjskij 5 bramōw. Władimir Władimirowicz mōg sie poczuć choby na gōrskij rajzie na niydźwiedziu. Przi krōlu Salmanie sagōm klatōm jednak niy wypadało sie asić…

„Wartki szpil”

Julen Lopetegui bōł blisko szafniyncio nowego rekordu nojwarcij wyciepanego z roboty selekcjōnera na Mundialu, keby nie to, że wyciepli go dziyń przed sztartym turnieju. Skuli falstartu rekordu ni ma. Były tryner Hiszpanōw zgorszōł szefostwo federacje tym kej Real Madryt ofyn przedstawiōł go swoim nowym trynerym. Ale dejcie pozōr, aże niy yno hiszpańsko federacjo je tako ôstro. Sztrofy finansowe dostanōm bezmałaś nikerzi fusbaliści Arabii Saudyjskij skuli darymnej gry w piyrszym szpilu.

Kaj te faworyty?

Francjo z biydōm wygrywo z Australiōm po cufalowej bramie Pogby na 2:1, kero tak rychtyg klupnōł Australijczyk. Brazylii fōrt daleko do taki-taki. Poza szlagiym Coutinho (miōd-malina-ôstrynżyna – ôbadejcie!) cudōw niy pokozuje i yno rymisuje 1:1 ze Szwajcariōm. Nimce durś niy istniejōm w szpilu z Meksykiym i mogōm być radzi że z 1:0 niy zrobiyły sie wiynksze lyjty. W prziszykowaniach do Mundialu Nimce postawiyli klasycznie na ordnung a Meksykany na fiesta (ô imprezie z wynajyntymi frelkami w basynie zrobiyło sie ôstatnio głośno). I znojdźcie mi sam tera jaki dydaktyczny morał do modych fusbalistōw… Fusbal to fusbal i tela.

Po starymu

Yno w Polskij kadrze po starymu. Klasyczny mundialowy schymat. Przeplōmpany balōn w piyrszym szpilu robi pyrsk! Po ôbejrzyniu reklam jak to Lewandowski pokōnuje łupież jednym szlagiym, spotu z Jackiym Gmochym i wesołōm czelodkōm polskich wojokōw, abo po klasycznym wkludzyniu Szpakowskigo pt. „38 milionow polskich serc”, polski kibic zaś mōg uwierzyć, że tym razym bydzie inaczyj… Niy było. Synegal vs Polska 2:1.

Wyniki i tabele po piyrszej serii szpilōw

GRUPA A
Rusyjo — Arabio Saudyjsko 5:0 (2:0)
1:0 — Gazinski (12), 2:0 — Czeryszew (43), 3:0 — Dziuba (71), 4:0 — Czeryszew (90+1), 5:0 — Gołowin (90+5)
Egipt — Urugwaj 0:1 (0:0)
0:1 — Gimenez (89)

GRUPA A
1. Rusyjo 3 5:0
2. Urugwaj 3 1:0
3. Egipt 0 0:1
4. Arabia S. 0 0:5

GRUPA B
Maroko — Iran 0:1 (0:0)

0:1 — Bouhaddouz (90+5 sam.)
Portugalia — Hiszpania 3:3 (2:1)
1:0 — Cristiano Ronaldo (4 karny), 1:1 — Diego Costa (24), 2:1 — Cristiano Ronaldo (44), 2:2 — Diego Costa (54), 2:3 — Nacho (58), 3:3 — Cristiano Ronaldo (88)

GRUPA B
1. Iran 3 1:0
2. Portugalia 1 3:3
2. Hiszpania 1 3:3
4. Maroko 0 0:1

GRUPA C
Francja — Australia 2:1 (0:0)

1:0 — Griezmann (58 elwer), 1:1 — Jedinak (61 elwer), 2:1 — Behich (81 sam.)

Peru — Dania 0:1 (0:0)
0:1 — Poulsen (59)

GRUPA C
1. Francja 3 2:1
2. Dania 3 1:0
3. Australia 0 1:2
4. Peru 0 0:1

GRUPA D
Argyntyna — Islandia 1:1 (1:1)

1:0 — Aguero (19), 1:1 — Finnbogason (24)
Chorwacja — Nigeria 2:0 (1:0)
1:0 — Etebo (32 samob.), 2:0 — Modrić (71 karny)

GRUPA D
1. Chorwacja 3 2:0
2. Argentyna 1 1:1
Islandia 1 1:1
4. Nigeria 0 0:2

GRUPA E
Kostaryka — Serbia 0:1 (0:0)

0:1 — Kolarov (56)
Brazylia — Szwajcaria 1:1 (1:0)
1:0 — Coutinho (2), 1:1 — Zuber (50)

GRUPA E
1. Serbia 3 1:0
2. Brazylia 1 1:1
2. Szwajcaria 1 1:1
4. Kostaryka 0 0:1

GRUPA F
Nimce — Meksyk 0:1 (0:1)

0:1 — Lozano (35)

Szwecja — Korea Płd. 1:0 (0:0)
1:0
— Granqvist (65 elwer)

GRUPA F
1. Meksyk 3 1:0
1. Szwecja 3 1:0
3. Korea Płd. 0 0:1
3. Niemcy 0 0:1

GRUPA G
Tunezja — Anglia 1:2 (1:1)
0:1
— Kane (11), 1:1 — Sassi (35 karny), 1:2 — Kane (90+1)
Belgia — Panama 3:0 (0:0)
1:0
— Mertens (47), 2:0, 3:0 — Lukaku (69, 75)

GRUPA G
1. Belgia 3 3:0
2. Anglia 3 2:1
3. Tunezja 0 1:2
4. Panama 0 0:3

GRUPA H
Kolumbia — Japōnia 1:2 (1:1)
0:1
— Kagawa (5 elwer), 1:1 — Quintero (39), 1:2 — Osako (73); czerwōno kartka: Sanchez (3, Kolumbia)
Polska — Synegal 1:2 (0:1)
0:1
— Cionek (38 sam.), 0:2 — Niang (60), 1:2 — Krychowiak (86)

GRUPA H
1. Japōnia 3 2:1
1. Synegal 3 2:1
3. Kolumbia 0 1:2
3. Polska 0 1:2

Grzegorz Buchalik – etnolog, historyk, felietōnista, fusbalista, mody ôjciec. Kludzi bloga Ślōnski Fusbal we Dzienniku Zachodnim.
http://www.dziennikzachodni.pl/blogi/slonski-fusbal/
https://www.facebook.com/SlonskiFusbal/

 

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autōrōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza

Cyntrum Preferyncyji Prywatności

Potrzebne

Zbiory cookies potrzebne do nojbarzij podstawowych funkcyji serwisu: zgoda na politykã prywatności (gdpr) i informacyjŏ ô blokowaniu reklam (anCookie), testowy zbiōr ôd platformy (wordpress_test_cookie)

gdpr, anCookie, wordpress_test_cookie

Ino po zalogowaniu

Zbiory cookies potrzebne do byciŏ zalogowanym w serwisie.

wordpress_logged_in_, wordpress_sec_, wp-settings-time-