Zielno Biksa w Radlinie

W radlińskim urzyńdzie powstała… „Zielno Biksa”, to znaczy plac, z kerego idzie weznōńć nasiynie roślin miododajnych i zasadzić w jakimś ciekawym miejscu. To jeszcze jedno miejske działanie dlŏ ôchrōny pszczōł i ôwadōw zapylajōncych w Radlinie.

Piyrsze w Zielnyj Biksie ukŏzało sie nasiynie słōnecznika ôzdobnego, ônyntku kosmosu abo kapucynki zorty Tōm Thumb. Wszyjske te rośliny majōm naturã miododajnõ. Niykere (jak ônyntek kosmos) ukŏżōm sie zaniydugo na miastowych skwerach. Nasiynie w „Zielnyj Biksie” przeznaczōne je jednak dlŏ miyszkańcōw, kerzi sami mogōm uzdać kaj jakõ roślinã zasadzić. Jak funguje „Zielno Biksa”? Ajnfachowo: styknie weznōńć nasiynie z urzyndu, kaj sōm „Zielne Biksy”, ôbrać plac w kerym chcymy nasadzić roślinność miododajnõ i stworzić włŏsny, nowy zielōny plac w Radlinie.

Urzōnd Miejski w Radlinie zaprŏszŏ wszyjskich zainteresowanych do sebraniŏ nasiyniŏ. „Zielno Biksa” je na parterze głōwnego budōnku urzyndu, przi pōnkcie informacyjnym jak tyż kole Wydziału Ekōnōmije Kōmunalnyj i Ekologije (budōnek B urzyndu). Wielość nasiyniŏ je ôgraniczōnŏ ale urzōnd padŏ, iże isto akcyjõ bydzie cyklicznie powtŏrzać w Radlinie.

Zdrzōdło i fotografije: UM Radlin

Dalszŏ tajla artykułu niżyj