Milan Baroš jak legyndarny Antonin Panenka
We sobotnim szpilu Banika Ôstrawa ze Slovanym Liberec Milan Baroš wyrōwnoł rekord strzelōnych torōw w lidze ôd legyndarnego Antonina Panenki, kery we 1976 ze manszaftym ôd Czechosłowacyje ôstoł Majstrym Europy we fusbalu. Moc ludzi do dzisiej pamiyntoł decydujōncy elwer, kery we szpilu z Miymcōma trefioł Panenka.
Antonin Panenka we ligowych szpilach trefiōł 139 razy. We sobota tyn rekord wyrōwnoł Milan Baroš, kery trefiōł na 1-0 dlŏ Banika we szpilu ze Libercym. Cołki szpil skōńczōł sie 2-1 dlŏ Banika, a manszaft ze Ôstrawy je nazŏd na 3 placu we tabuli I ligi czeskej.
Liczymy na kolejne rekordy ôd Milana Baroša i na dobre szpile ôd Banika Ôstrawa, kery przed rundōm wiosynnōm ôficjalnie zapowiedzioł, że celym je plac we Lidze Europy.
Foto na wiyrchu: fcb,cz (fcb.cz) [CC BY-SA 4.0 / Wikimedia Commons]
Dalszŏ tajla artykułu niżyj
