Marek Mucha Majstrym Europy U-18 w ciepaniu ôszczepym

Marek Mucha (AZS Politechnika Ôpolskŏ) ôstoł Majstrym Europy do lŏt 18 we ciepaniu ôszczepym. Na majsterszaftach we Gyor wygroł ze Grekym Gerasimosym Kalogerakisym i Finym Topiasym Laine.

Ôszczepnik ze Ôsowca wele Ôpolŏ ciepnōł we piyrszej seryji 71,24 mejtry, co dŏwało mu trzeci plac, za Finym a Grekym. We drugej sie nie poprawiōł, ale we trzeciyj ciep gynau 79 mejtrōw, co bōło jego rekordym żywobyciŏ, ale tyż rekordym cołkych majsterszaftōw. Po słabym ciepaniu we czwŏrtej i piōntyj seryji jeszczy rŏz poprawiōł wynik i przekroczōł granica 80 mejtrōw. Ciepnōł gynau 80,01 m. To nowy rekord Majsterszaftōw Europy U-18. Drugi plac mioł Grek (77,45 m) a trzeci Fin (75,83 m).

Źdrzōdło i fotka na wiyrchu: http://www.european-athletics.org/

Dalszŏ tajla artykułu niżyj