Karambol na tarnogōrskij ôbwodnicy

Wczorej, 14 czyrwnia, kole 1 po połedniu na tarnogōrskij ôbwodnicy trefiōł sie karambol. Strzasły sie sztyry auta. Pasażerka jednego z wozideł trefiyła do lazarytu. Richtich prziczyny i ôkoliczności wypadku klarujōm tarnogōrscy śledczy.

Do groźnie wyglōndajōncego zdarzyniŏ doszło wczorej zarŏz po godzinie 13.00 na tarnogōrskij Ôbwodnicy. Ze stympnych ôbsztalowań wynikŏ, iże 23-letni miyszkaniec Czynstochowy, przi jechaniu Volkswagenym Transporterym, na prostym kōncku drōgi niy zachowoł nŏleżnych postrzodkōw ôstrożności jak tyż ôdległości ôd poprzedzajōncego wozidła i wjechoł w zadek ôd Volkswagena Passata. Passatym kerowoł 71-letni miyszkaniec krysu tarnogōrskigo. Potym auto siyłōm ôdrzutu wjechało we mercedesa, co stoł przed nim, a tyn w zadek opla, kerym kerowoł 29-latowy miyszkaniec Jastrzymbiŏ-Zdroju. Skuli zdarzyniŏ rannŏ ôstała pasażerka passata i trefiyła do lazarytu. Tarnogōrscy śledczy badajōm szczegōłowe ôkoliczności tego zdarzyniŏ.

Fot.: KPP Tarnowske Gōry