Fojerman: Szarlota
Hołdo. Olimpie naszych, ślōnskich, ziym.
Sōm inksze gōry kaj na świecie,
Co radzi ku nim rajzujecie,
A jo tam swoji i tak wiym.
Jo na Szarlota chca sie wdropać,
Podziwać sie na piykny Ślōnsk,
Bo wierza, że tam rychtyk stōnd
Zejrza ta cicho, mało wioska,
Kaj żech bez cołki życi żōł.
Te nasze łōnki, pola, lasy,
Przikopa, co ich rznie na pōł.
A jak slazowoł byda w dōł,
Pomyśla, co ôd hołdy naszej
Piykniejszych w świecie niy ma „skōł”.
Dalszŏ tajla artykułu niżyj
