Fojerman: Nowy Roczek

2018.12.30

 

Nowy Roczek

 

Idzie sam Nowy Roczek,

Rozglōndo sie ciekawie,

Bo sōm niy wiy, boroczek,

Co prziniesie nōm prawie?

 

Chcioł sie spytać starzika:

Jako je na tym świecie?

Dyć tyn, choćby na sprzika,

Coroz warciyj chce lecieć.

 

Niy do mu żodnej rady,

Niy powiy ani słowa,

Tōż synek kożdej sprawy

Musi sie uczyć ôd nowa.

 

Możno mu pōmogymy,

Świat zrobić trocha lepszy,

Za rōnczka go chycymy,

Co nōm życio niy spieprzy.

 

Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.