Bez gipsdekã wyniōs mobilniŏki i tablety

Do 10 lŏt hereszcie może przepyndzić 29-latek, co włōmoł sie do zalōnu firmowego necu telefōnicznego w jednyj z jastrzymbskich galeryji. Chop wytargoł kasetōny z gipsdeki i z postrzodka sklepu porwoł 21 maszin elektrōnicznych wert bezma 52 tys. zł. Jastrzymbscy kryminalni chyciyli złodziyja i ôdebrali statek wert 48 tys. zł. Jastrzymbiōn dostoł policyjny dozōr.

Wszyjsko trefiyło sie w nocy z 17 na 18 stycznia. Raubiyrz wytargoł kasetōny z gipsdeki i dostoł sie do postrodka sklepu, a stamtōnd wziōn 21 maszin elektrōnicznych, w tym telefōny, smartfōny i tablety wert bezma 52 tysiōnce złotych.

Kryminalni wartko doszli do winnego i dziynki swojim działaniōm chycōno było 29-latka i ôdzyskano 19 maszin wert 48 tysiyncy złotych. Chop dostoł policyjny dozōr. Może trefić nawet na 10 lŏt do wiyńziyniŏ.

W tyj sprŏwie kryminalni znŏdli tyż sześciu paserōw, co im chycōny przedoł kradziony sprzynt. Ôni tyż usłyszeli ôbskarżynia. Terŏz mogōm dostać sztrŏfã do 5 lŏt wiynziyniŏ.

Dalszŏ tajla artykułu niżyj

Zdrzōdło: KMP Jastrzymbie-Zdrōj