Open the Door: Ôtwōrz sie na sztukã!

W dniach 21-30 września w Katowicach ôdbydzie sie I Edycyjŏ Miyndzynŏrodowego Festiwalu OPEN THE DOOR. Na tã przileżytość do miasta sjadōm kōnsztlery z Izraela, Hiszpanije, Czech, Meksyku, Rusyje i Polski. W niyôbyczajnych przedstawiyniach tyjatralnych do głosu dojdōm ci, co ô nich społeczyństwo zapōminŏ: niypołnosprŏwni, niywidōmi, niymocni. Przedstawiynia i artystyczne projekty bydzie szło ujzdrzeć miyndzy inkszymi na Scynie w Galeryji Katowskij.

Kōniec września upłynie w Katowicach pod znakym wyjōntkowych pokazōw tyjatralnych. Miyndzynŏrodowy Festiwal OPEN THE DOOR, ôdprŏwiany ôd Tyjatru Ślōnskigo w dniach 21-30 września, cołki poświyncōny je ôsobōm zapōmnianym ôd społeczyństwa. To piyrszŏ takŏ inicjatywa w Polsce. Ôglōndŏcze bydōm mogli poznać historyje ludzi niypołnosprŏwnych, niymocnych abo przimuszōnych do ôstawiyniŏ dōmōw. Kōnsztlery i aktory, co bierōm udzioł w trefiyniu, czynsto sami doznali wykluczyniŏ, i bez kōnszt dzielōm sie swojimi prōbami i prowokujōm do dyskusyje, a tyż skłōniajōm do refleksyje. W repertuarze festiwalu, ôkrōm przedstawiyń tyjatralnych, sōm tyż warsztaty, przedstawiynia plenerowe, projekcyje i czytanie performatywne. Niyôbyczajne wystympy bydzie szło ôbejzdrzeć w Tyjatrze Ślōnskim, Muzeum Ślōnskim, na Scynie w Galeryji Katowskij, a tyż na ulicach Katowic.

Program festiwalu dostympny na Facebooku.

Zdrzōdło: materyje presowe.

Dalszŏ tajla artykułu niżyj