La Dotta, La Grassa, La Rossa
La Dotta, La Grassa, La Rossa
Wjyżdżōm gynau w brzuch
tyj rubyj
zaczerwiyniōnyj
a pierōńsko mōndryj damy
zugym w pryndkojsiōm 300 na blacie.
Gnam przed siam z Firynze
Kaj ech bōł ricerca* robić
Jak to sam mianujōm
Ô Südtirol
Ftore żŏdnymu
se to sam z normōm niy kojarzi
yno dziwnym wzrokym mie se ôbjawiŏ.
Dalszŏ tajla artykułu niżyj
Choby trocha u nŏs instytucje Ślōnzŏkōw abō ôd minderhajtu
do Polŏkōw kŏmisch se być zdŏwajōm
Wjyżdżōm ciymnymi gangōma
Choby jelitōma my gnali
Do tygo miasta hinein
Ale mōm nadziejŏ
Iże tyn tunel to barzij speiseruła je
Co żywi ta dama życiym.
Tako se czujam
Jako jŏdło
Ftore je ôżywiŏ
Dziynki ftorymu tyntni,
Żyje.
Bologna.
Jo Hannes Schlonsok
*la ricerca – forschung
