Żory: Zapłaciyła hned dwa tysiōnce za zakupy, co ich niy zrobiyła

27-latka z Żor straciyła bez 1 900 złotych. Niyznojdziōny na razie sprowca przechyciōł dane jeji karty płatniczyj i sztyry razy zrobiōł zakupy we sklepie internetowym.

W niydziela, 1 września, do Kōmyndy Miastowyj Policyje w Żorach zgłosiyła sie 27 lot staro miyszkanka Żor i zawiadōmiyła ô fałeszności kōmputrowyj. Kobiyta poinformiyrowała, iże ku swojimu udziwiyniu prawie ôdkryła sztyry płaty internetowe dokōnane z jeji kōnta. Jak wyklarowała, postrzodki wypłacōne były trzi razy w sobota i roz w niydziela na kōnto ôbsztalōnkōw we sklepie internetowym, co ich ôsobiście niy robiyła.

Niyznōmy na razie sprowca przechyciōł dane z jeji karty i przeloł bez 1 900 złotych z jeji kōnta, chocioż kobiyta miała karta przi sobie. Niy dowała jij żodnymu, niy płaciyła niōm za granicōm. Ôstatnio roz płaciyła za zakupy we necu.

Policyjo prosi ô danie pozōr na to, kaj sie robi zakupy w necu i zapoznanie sie ze przestympczymi metodami skimmingu i phishingu.

Dalszŏ tajla artykułu niżyj

Zdrzōdło: KMP Żory