Trziniec majstrym ligi czeskej w hokeju! [fotogaleryjŏ + film]
Szafli to! We szōstym szpilu ô majstra Republiki Czeskej we hokeju HC Oceláři Trziniec wygrał z Bílí Tygři Liberec 4-2 (1-1, 1-1, 2-0) i cołkŏ seryjŏ tyż 4-2! Je to drugi majster dlŏ hokejowego manszaftu ze Ślōnska we lidze czeskej. Tōż latoś ôba tytuły ôstały na Ślōnsku – w lidze polskej w Tychach, a w lidze czeskej w Trzińcu.
Napoczło sie niedobrze, bo do swojego tora krōnżek ôdbiōł Petr Vrana. Ale chned podarzyło mu sie już trefić w dobry richtōng i po piyrszej tercyji bōło 1-1. We drugej po solowej akcyji ôd Davida Cienciali na prowadzyniy wylŏz Trziniec, ale niecołke 2 minuty niyskorzyj wyrōwnoł Tyler Redenbach.
We trzeciej tercyji ôba manszafty fest pilnowały sie, coby nie stracić tora, ale na 4 minuty przed kōncym kibice Trzińca ôszaleli po szlagu ôd Vladimira Rotha na 3-2 dlŏ gospodŏrzy. Liberec wycofoł tormana, a do pustego tora we 58:44 trefiōł Ethan Werek i bōło już klar, co latoś majster ôstanie na Ślōnsku.
Ôbejrzcie jak radowali sie we Trzińcu:
Dalszŏ tajla artykułu niżyj
Fotografije:
Jacek Tomaszewski – Rocznik ’83. Ligocianin. Radny Rady Jednostki Pomocniczej nr 6 Ligota-Panewniki. Zastępca redaktor naczelnej miesięcznika Jaskółka Śląska. Przewodniczący Koła Katowice Południe RAŚ. Asystent posła do Parlamentu Europejskiego Marka Plury. Kibic Ruchu Chorzów, Rozwoju Katowice i HC Oceláři Třinec.
