Derby ślōnsko-morawske we czeskim play-off
HC Oceláři Třinec poznoł przeciwnika we 1/4 finału play-off ligi czeskej. Przipōmniymy – manszaft ze ślōnskego Trzyńca skōńczōł liga na 2 placu i musioł czekać na przeciwnika, kerym mioł być nojlepszy manszaft ze rywalizacyje placōw 6-9. Grało sie tam do 3 wygranych szpilōw i wczorej we Pradze manszaft ze niedalekich Witkowic wygroł ze Spartōm aże 5-1 i to ôn bańdzie walczōł ze HC Oceláři Třinec ô pōłfinał.
Witkowice we lidze byli na szōstum placu, a ćwierćfinałowe szpile (do 4 wygranych) bandōm ô tyla barzyj interesantne, skuli tego iże ôba manszafty to nojbliższe sōmsiady ze Kraju morawsko-ślōnskego, ale HC Oceláři Třinec je ze Ślōnska, a HC Witkowice Ridera już z Moraw.
Znōmy tyż kalyndŏrz wszystkich szpilōw:
20 marca: HC Oceláři Třinec – HC Witkowice Ridera – ô piōntyj na wieczōr, szpil idzie ôbejrzeć live na ČT sport.
Dalszŏ tajla artykułu niżyj
21 marca: HC Oceláři Třinec – HC Witkowice Ridera – ô piōntyj na wieczōr
24 marca: HC Witkowice Ridera – HC Oceláři Třinec
25 marca: HC Witkowice Ridera – HC Oceláři Třinec
Jak po tych szpilach żodyn manszaft nie bańdzie mioł 4 wygranych, to nostypne szpile do skutku:
27 marca: HC Oceláři Třinec – HC Witkowice Ridera
29 marca: HC Witkowice Ridera – HC Oceláři Třinec
31 marca: HC Oceláři Třinec – HC Witkowice Ridera
