Kōmplet tynisistek ze Ślōnska już we 1/8 Australian Open
Petra Kvitová i Květa Peschke, tynisistki rodzōne we ślōnskim Bilovcu, sōm już we 1/8 finału Australian Open.
Petra Kvitová wygrała wszyske szpile do zera. We 1/16 ze Belindōm Bencic ze Szwajcaryje. We 1/32 ze Rumunkōm Irinōm-Cameliōm Begu, a we 1/64 ze Magdalénōm Rybárikovōm ze Słowacyje.
We 1/8 czekŏ na niã Amanda Anisimova, Amerykōnka ruskygo pochodzyniŏ. Szpil bańdzie grany ze soboty na niedziela naszego czasu.
We deblu kobiyt Květa Peschke we parze ze Nicole Melichar (USA) we 1/32 wygrały z parōm Watson / Maria 2-1 a we piōntek rano we 1/16 finału wygrały parōm Nadija Kiczenok (Ukraina) / Yafan Wang (Chiny) 2-0.
Dalszŏ tajla artykułu niżyj
Z kim przidzie jym grać we 1/8 finału, to bańdzie wiadōmo dopiyro we sobota rano.
Australian Open to je co roku piyrszy turniyj Grand Slam tynisa.
Foto: Andrew Campbell / CC BY 2.0, via Wikimedia Commons
