8 tydni… i szlus! [Prima aprilis]
Dziynkujymy Wōm, nasze czytelniki, za te niysamowite ôsiym tydni spōlnego wachtyrzowaniŏ. Prziszoł ale czas, coby pedzieć se adije! Ôd 3 kwietnia kōńczymy robić przi Wachtyrzu.
Kōńczymy, ale sie niy tracymy! Zajta wachtyrz.eu bydzie Wŏs przekerowywać do naszego nowego projektu.
Wszysko skuli tego, co Wachtyrza kupiōł jedyn mydialny kōncyrn. Mōmy se to naprŏwda w zŏcy. Wierzymy, co zaczynōmy terŏzki nowy rozdział w naszyj robocie do ślōnskij kultury a gŏdki.
Niy śmiymy jeszcze pedzieć ofyn, ô jako fyrma sie rozchodzi. Mało podpowiydź znojdziecie ale we zdjyńciu z poczōntku tego ôgłoszynia.
Dalszŏ tajla artykułu niżyj
Ôstōńcie z nami; zmiyniōmy marka, ale niy nasza misyjo!
Kōmyntarz redakcyji: Ja, to bōł yno szpas na prima aprilis. Nie gorszycie sie, pra?