Wachtyrz.eu

Siyła informacyji

Nowiny Polecane Ślōnskŏ Gŏdka 

WAGO werbuje po ślōnsku!

Redakcyjŏ 0 Kōmyntarzy

WAGO klymy to choby roztōmajte klocki LEGO sużōnce do łōnczyniŏ elektrycznych drōtōw. Sōm ône inksze ôd typowych klym bez to, iże zamiast szrauby, drōt je tukej dociśniynty bez fedrã.

Prawie bez to we WAGO klymach docisk je dycki jednaki i skirz tego, bez bajszpil niy ma jakich ino problymōw z chwiyrnymi wackelkōntaktami. Toć ô tym wiy przecã kożdy elektrykŏrz, kery znŏ produkty fyrmy WAGO. Atoli richtich niy ô to sie tukej nojbarzij rozchodzi, bo echt ôsobliwy je przede wszyjskim fakt, iże WAGO wydało prawie mini-katalŏg we ślōnskij gŏdce dlŏ klym instalacyjnych.
Tōż idzie sōndzić, iże katalŏg tyn je snŏci piyrszõ publikacyjōm tyj zorty, tak bezpostrzednio we berajchu dōmyny techniki, szafniōnŏ we ślōnskim jynzyku.

Nojprzōd wziōn żech sie sōm za przekłŏd polskigo szkryftu na ślōnskõ mŏwã, bo przecã ôd bajtla rzōńdzã po ślōnsku. Jednakowōż drab sie pokŏzało, iże niy je blank ajnfach przełożyć techniczny szrajbōnek na nasz ślōnski jynzyk.
Yntlich, dziepiyro ze pōmocōm ślōnskigo pisŏrza i dolmeczera, Pyjtra Zdanowicza, podarziło sie cołke powziyńcie dokludzić do kōńca.

Jaki je w cołkości efekt naszyj roboty możecie wybadać sami bezzaglōndanie do bajlagi, kaj znojdziecie cołki spōmniany katalŏg. Jakbyście chcieli mieć tã publikacyjõ w wersyji papiōrowyj, to pytejcie ô niã w hurtowniach a inkszych elektrycznych geszeftach – u nõs na cołkim Gōrnym Ślōnsku.

Dalszŏ tajla artykułu niżyj

Dej pozōr tyż:  Gostyń: Sylwia Lipina – Śląsk w moich oczach

Heini Ziegler, WAGO

Jakbyście chcieli wygrać takŏ tasza i kastlik połny klym, to wlejzcie sam i wymyślcie ślōnski werbōng dlŏ WAGO: https://www.facebook.com/photo?fbid=1553004825545340&set=a.666736337505531

Kōnkurs do 12 czyrwca 2024.

A sam cołki katalŏg:

Społym budujymy nowo ślōnsko kultura. Je żeś z nami? Spōmōż Wachtyrza

Ôstŏw ôdpowiydź

Twoja adresa email niy bydzie ôpublikowanŏ. Wymŏgane pola sōm ôznŏczōne *

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autorōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza