NowinyPolecaneSport

Tynis: Petra Kvitová wygrała turniyj WTA

Pejter Długosz

Narodzōnŏ we Bilovcu na Ślōnsku Petra Kvitová wygrała po przeszło roku pauzy swōj 29. turniyj WTA. Dzisiej we finale turniyju we Eastburne pokōnała Jelena Ostapenko ze Łotwy 2-0 (6:3 i 6:2).

We halbfinale wygrała ze Beatriz Haddad Maia ze Brazylie tyż 2-0 (7:6 i 6:4). Nojciynższy szpil Petra Kvitová miała we 1/8 finału, kaj trefiōła na Brytyjka  Katie Boutler, z kerōm musiała grać 3 sety. Wygrała 2-1 (6:7, 6:0 i 7:5).

Bōł to ôstatni turniyj przi szykowaniu sie na Wimbledon, kery napoczynŏ sie już we pyńdziałek. Petra Kvitová we piyrszyn szpilu trefi na Jasmine Paolini ze Italije.

Petra Kvitová we Eastbourne – zdrzōdło: https://www.facebook.com/petrakvitovaofficial

Społym budujymy nowo ślōnsko kultura. Je żeś z nami? Spōmōż Wachtyrza

Pejter Długosz

ur. 1978. Aktywny dlŏ Ślōnska ôd 2000 roku. Założōł m.in. Młodzież Gōrnoślōnskõ i Stowarzyniy Ôsobōw Nŏrodowości Ślōnskij. Bez lata aktywny we RAŚ. Tera kludzi wydŏwnictwo Silesia Progress.

Ôstŏw ôdpowiydź