GKS Tychy, autor: Lowdown / Wikimedia Commons

Trziniec i Tychy poznały manszafty ze Ligi Majstrōw

19 mŏja 2018 Pejter Długosz

Przed dugōm pauzōm dlŏ hokejistōw (we niedziela finał Światowych Majsterszaftōw we Kopynhadze, a potym klubowe rozgrywki napoczynajōm ôd siyrpnia) nojlepsze manszafty w Europie poznały swojych przeciwnikōw we Lidze Majstrōw na sezōn 2018/2019. Sōm postrzōd nich dwa manszafty ze Gōrnego Ślōnska HC Oceláři Trziniec a GKS Tychy.

Ciynżkich przeciwnikōw dostało HC Oceláři Trziniec, kere we skupinie E bańdzie grać ze Djurgården Stockholm (16 razy majster we Szwecyji), Tappara Tampere (17 razy majster we Finlandyji), Storhamar Hamar (7 razy majster we Norwegiji).

GKS Tychy tyż nie bańdzie mieć ajnfachowych przeciwnikōw. We skupinie C sōm nimi: HC Bozen Fox (z Południowego Tyrolu, ale kery je majstrym we austryjackej lidze EBEL), Skellefteå AIK (strzybny medal w tym roku we Szwecyji), a IFK Helsinki.

Piyrsze szpile 30 siyrpnia, a ôstatnie 17 października. Ze kożdej skupiny do 1/8 finału wyłażōm dwa manszafty.

Przipomniymy, iże w tym roku HC Oceláři Trziniec zaszli aże do pōłfinału Ligi Majstrōw.

Reszta skupinōw:

A: ZSC Lions Zürich (Szwajcaryjŏ), Vienna Capitals (Austryjŏ), Frölunda Indians (Szwecyjŏ), Aalborg Pirates (Danijŏ)
B: Red Bull München (Niymcy), TPS Turku (Finlandyjŏ), Malmö Redhawks (Szwecyjŏ), Yunost Minsk (Biołoruś)
D: Kometa Brno (Rep. Czeskŏ), Eisbären Berlin (Niymcy), EV Zug (Szwajcaryjŏ), Neman Grodno (Biołoruś)
F: Kärpät Oulu (Finlandyjŏ), Mountfield HK (Rep. Czeskŏ), Thomas Sabo Ice Tigers (Niymcy), Rouen Dragons (Francyjŏ)
G: Växjö Lakers (Szwecyjŏ), SC Bern (Szwajcaryjŏ), Red Bull Salzburg (Austryjŏ), Cardiff Devils (Wielgŏ Brytanijŏ)
H: JYP Jyväskylä (Finlandyjŏ), HC Pilsen (Rep. Czeskŏ), HC Lugano (Szwajcaryjŏ), HC05 Banská Bystrica (Słowacyjŏ)

Terminy

1. szpil – 30/31 siyrpnia
2. szpil – 1/2 wrzejśnia
3. szpil – 6/7 wrzejśnia
4. szpil – 8/9 wrzejśnia
5. szpil – 9/10 października
6. szpil – 16/17 października

Dalszŏ tajla artykułu niżyj