Stracōnŏ przewŏga Trzińca [+fotogaleryjŏ]

We sztwŏrtym szpilu HC Oceláři Trziniec straciyli swojã przewaga we szpilach ze Bílí Tygři Liberec i remisujōm 2-2. Wszystko skuli przegranego we dogrywce wczorajszego szpilu 1-2 (0-0, 0-1, 1-0, d.: 0-1).

Bōł to zajś fest wyrōwnany tref, kaj ôba manszafty miały mało klarownych sytuacyjōw do strzelyniŏ tora. Juzaś aktywniejszy bōł Trziniec, bo strzeloł na tor ôd Liberca 34 razy, a Liberec na tor Hrubca 24. No ale liczōm sie tory, a tych wiyncej trefiyli goście. Nojpiyrw na prowadzynie dlŏ Liberca trefiōł Radan Lenc. Gospodŏrze dugo musieli czekać na wyrōwnaniy i szafli to dopiyro na dwie minuty do kōńca. Trefiōł David Cienciala.

We dogrywce napoczōn przewŏżać Liberec i to ôni we 74 minucie po torze Tomáša Havlína radowali sie ze wygranej.

Tera we piōntek szpil we Libercu, a do Trzińca hokeisty przijadōm nazŏd we niedziela na szōsty szpil.

Grŏ sie do 4 wygranych.

Ôbejrzicie tyż fotorelacyjŏ fanklubu HCO Gōrny Ślōnsk.