Już we nojbliższŏ sobota, 21 moja 2022, we Parku Ślōnskim w Chorzowie wielgi ŚLŌNSKO-CZESKI FEST literacko-muzyczny. Łōńskego roku po rŏz piyrszy we Rebel Garden Cafe w Parku Ślōnskim (wele wchodu do ZOO) bōł krzest ksiōnżki ôd Františka Kotlety “Underground“. Literacki event na wolnym lufcie trefiōł. Bōło moc autorōw, kupa ksiōnżek, a ludzie mieli szpas z nietypwego wydarzyniŏ, jakim je krzest… ksiōnżki.
Po tym sukcesie latoś we Rebel Garden ôd Darka Zalegi społym ze wydŏwnictwym Silesia Progress naszykowali jeszczy wiynkszy fest. Bydzie i literatura, i dwa krzty, a na kōniec ślōnski blues we nojlepszym stylu. A wszystko za friko. No chyba że zicniecie sie na piwo abo kafej w Rebel Garden – do czego zaprŏszōmy, bo tyn ślōnsko-czeski event je naszykowany bez jakiygokolwiek grantu.
Sam mŏcie program:
16.00 – krzest ślōnskigo wydaniŏ ksiōnżki “Pippi Långstrump” Astrid Lindgren, kerŏ ukŏzała sie we tym tydniu. Rafał Szyma (tumacz ksiōnżki) a Mirosław Syniawa (redachtōw wydaniŏ, ale co nojważniejsze, maestro tumaczyń poezyje na ślōnski) bandōm ôsprawiać o synsie przekłŏdaniŏ na ślōnski klasyki światowej literatury.
17.00 – Monika Kassner a Sabina Waszut bydōm szukać ôdpowiedzi na pytaniy: “Je Ślōnsk wert ôpowieści?“
18.00 – Anna Bączek-Lieber, lektōrka audiobooka do ślōnskigo wydaniŏ “Pippi Långstrump” przeczytŏ kōnsek ksiōnżki.
18.30 – krzest “Underground. Rebelia” ôd Františka Kotlety. Po krzcie ze autorem ô tej ksiōnżce i niy yno gŏdać bydzie Szymon Szwajger. Tumaczyniy gŏdki Ilona Gwóźdź-Szewczenko.
19.30 – kōncert ôd Marka “MacCarrona” Motyki społym ze Tomaszym Bieńkym a Jackym Raciborskim: ślōnski blues nojlepszego zortu (Burns i niy yno).
Na trefie bydzie szło bez cołki czo prosić ô unterszrifty ôd wszystkich autorōw, kupić ksiōnżki ôd Sabiny Waszut, a ze wydŏwnictw Silesia Progres, Prasa i Książka Grzegorza Grzegorka, Książkowe Klimaty (ôd inkszych czeskich autorōw).
Plac: Rebel Garden Cafe w Parku Ślōnskim
Kiej: 21 moja 2022 (sobota) ôd sztwortyj
Dalszŏ tajla artykułu niżyj
